Það hefur legið fyrir lengi, það vantar mjólkurvörur í Kína. Nú hafa þarlendir gripið til nýrra lausna og hafa keypt 100 þúsund mjólkurkýr til þess að efla framleiðsluna. Kýrnar munu koma frá Úrúgvæ, Ástralíu og Nýja-Sjálandi og verða fluttar með gripaflutningaskipum eins og við höfum áður sagt frá hér á naut.is í desember (smelltu hér til þess að lesa þá frétt). Sérstaða við þessa flutninga eru þó áætlanir Kínverja um að gera þetta allt í einu og fá samtímis til landsins þessi gríðarstóru gripaflutningaskip.

 

Samkvæmt frétt í Wall Street Journal verða þetta umsvifamestu lífdýraflutningar á sjó sem sögur fara af. Kínverjar hafa þónokkra reynslu af kaupum á kynbótagripum með þessum hætti, en síðustu þrjú ár hafa verið fluttar til landsins um 250 þúsund kvígur.

 

Í Kína eru fyrir uþb. 12 milljón kýr en meðalnyt þeirra er afar lág en batnar væntanlega verulega við kaupin á mjólkurkúnum/SS.