Hollenska samvinnufélagið FrieslandCampina ætlar sér stóra hluti í Nígeríu, líkt og mörg önnur afurðafyrirtæki, enda er Nígeríumarkaðurinn talinn einkar áhugaverður þar sem mikill uppgangur er í landinu. Félagið mun leggja alls 3 milljarða íslenskra króna í eflingu afurðavinnslu félagsins en hefur jafnframt kallað eftir því að bændur landsins fái aðstoð við að byggja upp sína framleiðslu. Í dag er kúabúskapur í Nígeríu afar vanþróaður og þarf að stórefla hann ef landið ætlar að geta sinnt ört vaxandi þörf fyrir mjólkurvörur.

FrieslandCampina styður við uppbyggingu á búskap á sínu starfssvæði í fylkinu Oyo með því að leiðbeina bændum og kenna réttu vinnubrögðin og handtökin við kúabúskap en í þessu eina fylki eru í dag um 3.500 lítil kúabú/SS.