Í nýlegri samantekt yfir þróun á fjölda kúa í Evrópu kemur fram að lítill munur er á milli landa. Kúm er að fækka í öllum löndum Evrópu, enda markaðir fyrir mjólkurafurðir verið nokkuð stöðugir en á sama tíma verið mikil aukning í nyt kúnna. Þegar íslenskar tölur eru bornar saman við erlendar, kemur í ljós að á 10 árum hefur kúm á Íslandi fækkað um 16% – frá um 30.000 kúm niður í um 25.500 kýr.

Á sama tíma hefur kúm í Evrópusambandinu fækkað um 17%, úr 23,5 milljón kúm niður í 19,5 milljón kýr. Hlutfall íslenskra kúa af heildarfjölda kúa í Evrópu er aðeins um 0,01%.

 

Mest fækkun kúa var á Spáni sl. 10 ár, en af stærri mjólkurframleiðslulöndunum er hlutfallsleg fækkun kúa í Frakklandi og Írlandi einna minnst sl. 10 ár, en fækkun í Írlandi hefur þó verið mjög hröð síðustu árin (sjá nánar í meðfylgjandi töflu).

 

Hlutfallsleg þróun í fjölda kúa á Íslandi og í helstu mjólkurframleiðslulöndum Evrópu, árið 1992 notað til viðmiðunar.

	1992	1995	1998	2001	2002
ÍSLAND	100	100	96	86	84*
Danmörk	100	101	96	89	87
Svíþjóð	100	92	90	79	79
Þýskaland	100	97	90	83	81
Frakkland	100	101	95	90	89
Ítalía	100	91	91	94	82
Holland	100	98	88	85	85
Bretland	100	96	90	80	82
Írland	100	100	101	98	89
Spánn	100	89	88	80	76
Evrópusambandið í heild	100	96	91	86	83

              * Byggt á áætlun LK um fjölda kúa hérlendis

 

Heimildir: Mejeriforeningen, BÍ og LK