Beint í efni

Evrópusambandið hindrar sænskar aðgerðir gegn garnaveiki

05.10.2012

Sænskum yfirvöldum hefur nú verið gert að hætta að prófa nautgripi gagnvart garnaveiki, en hingað til hefur verið gerð krafa um að öll lífdýr sem berast landinu hafi staðist garanveikipróf. Nú hefur stjórn Evrópusambandsins bannað þetta og segir að svona sértækar aðgerðir vinni gegn frjálsum viðskiptaháttum á milli landanna og sé í raun viðskiptahindrun!

 

Eðlilega óttast sænskir kúabændur nú að sjúkdómar, sem ekki hafa sést í landinu í áraraðir, berist nú til baka enda eru þeir enn til í mörgum öðrum löndum Evrópusambandsins. Þessi tilskipun er jafnframt í undarlegri mótsögn við aðra tilskipun þar sem löndin eru hvött til aðgerða til þess að draga úr lyfjaónæmum bakteríum. Ein af hinum tryggustu leiðum til þess er einmitt að koma í veg fyrir að skepnur veikist s.s. við að tryggja að lífdýr séu ekki veik/SS.