Beint í efni

Evrópubúar sólgnir í upprunavottaða mjólk

26.11.2012

Kúabú sem eru í lífrænni framleiðslu á mjólk hafa vart undan nú um stundir í Evrópu sökum mikillar eftirspurnar eftir upprunavottaðri mjólk. Mikil eftirspurn hefur leitt til mestu framleiðslu á lífrænt vottaðri mjólk frá upphafi og sem dæmi má nefna að framleiðslan hefur aukist um 39% í Frakklandi í ár, 19% í Finnlandi og 12% í Svíþjóð.
 
Í Þýskalandi jókst eftirspurn eftir lífrænt vottaðri mjólk fyrstu níu mánuði ársins um 4% en framleiðslan einungis um 1,4% sem hefur því kallað á innflutning lífrænt vottaðrar mjólkur. Stærsti hluti þess innflutnings kemur frá Danmörku.

 

Í Danmörku er hlutdeild lífrænt vottaðrar drykkjarmjólkur lang hæst og nemur neyslan um þriðjungi allrar drykkjarmjólkur. Í kjölfar mikils verðsstríðs í stórmörkuðum þar í landi, þar sem mjólk hefur verið seld langt undir kostnaðarverði í marga mánuði, hefur þó dregið jafnt og þétt úr neyslu á lífrænt vottaðri mjólk enda hún mun dýrari. Aukin eftirspurn í öðrum löndum gerir þó það að verkum að framleiðslan hefur einnig aukist í Danmörku, auk þess sem hluti þeirrar mjólkur er siglt til Kína og seld þar/SS.