Niðurstöður rannsóknaverkefnis við háskólann í Árósum bendir til þess að með því að lengja mjaltaskeið kúa, frá því að vera um 12 mánuðir og upp í 18 mánuði, þá verði ostaframleiðslueiginleikar mjólkurinnar betri. Verkefnið gekk út á að skoða það hvernig vinnslueiginleikar mjólkur breytast eftir því sem líður á mjaltaskeiðið. Ekki þarf að koma á óvart að mjólkurframleiðsla kúnna minnkaði eftir því sem leið á, en fitu- og próteininnihald mjólkurinnar jókst og nýttist hún því betur til ostagerðar eftir því sem leið á mjaltaskeiðið.

Ekki komu fram neinar neikvæðar breytingar á bragðgæðum mjólkurinnar en sérstök dómnefnd sá um að smakka mjólkina frá kúnum allt frá fyrrihluta mjaltaskeiðs og fram að 18 mánaða lengd hennar/SS.