GEA, eitt stærsta iðnfyrirtækið á Vesturlöndum, hefur nú stækkað enn frekar eftir að hafa keypt upp Skjold-Mullerup samsteypuna fyrr á árinu. Mullerup er vel þekkt merki hér á landi, en fyrirtækið hefur verið leiðandi í sjálfvirkum fóðurkerfum fyrir fjós. GEA hefur í dag um 20.000 starfsmenn og var velta fyrirtækisins árið 2009 4,4 milljarðar Evra. Fyrirtækið er fyrst og fremst í hátækni og framleiðir m.a. kælivélar og

ýmiskonar framleiðslutæki. Um áramótin var fyrirtækinu skipt upp í 5 deildir og er landbúnaðardeild ein þeirra. Landbúnaðardeild GEA er í dag með gríðarlega fjölbreytt úrval fyrir kúabændur og er greinilegt að fyrirtækið ætlar sér stóra hluti á þeim markaði. Með um 1.900 starfsmenn í 20 verksmiðjum ætti fyrirtækið að komast vel áfram innan landbúnaðargeirans.

 

Af þeim vörumerkjum sem fyrirtækið á í dag má nefna Westfalia (mjaltatækni m.m.),  DeBoer (innréttingar), Houle (mykjukerfi m.m.), Norbco (bandarískt innréttingafyrirtæki) og nú síðast Skjold-Mullerup. Til þessa hafa nokkur fyrirtæki flutt inn framleiðsluvörur GEA til Íslands, eftir vörulínum.

 

Nánar má lesa um fyrirtækið á heimasíðu þess: www.gea-farmtechnologies.com