Endurskoðun nautgripasamnings – kynning og niðurstöður atkvæðagreiðslu
07.11.2019
Fulltrúar Bændasamtaka Íslands og stjórnvalda skrifuðu undir samkomulag um endurskoðun á samningi um starfsskilyrði nautgriparæktar föstudaginn 25. október síðastliðinn. Markmið samkomulagsins er að stuðla að framþróun og nýsköpun í nautgriparækt. Áhersla er lögð á rannsóknir og menntun ásamt sjálfbærari og umhverfisvænni framleiðslu. Samkomulagið er liður í endurskoðun samnings um starfsskilyrði nautgriparæktar frá 19. febrúar 2016.
Bókun við samkomulag um breytingar á samningi um starfsskilyrði nautgriparæktar frá 25. október 2019.
Niðurstöður atkvæðagreiðslu meðal bænda
Atkvæðagreiðslu meðal kúabænda um endurskoðun nautgripasamnings lauk í hádeginu miðvikudaginn 4. desember. Samkomulag bænda og stjórnvalda var samþykkt með afgerandi meirihluta atkvæða.
Niðurstöður atkvæðagreiðslu meðal bænda
Atkvæðagreiðslu meðal kúabænda um endurskoðun nautgripasamnings lauk í hádeginu miðvikudaginn 4. desember. Samkomulag bænda og stjórnvalda var samþykkt með afgerandi meirihluta atkvæða.
„Já“ sögðu 447 eða 76%.
„Nei“ sögðu 132 eða 22,5%.
Níu tóku ekki afstöðu.
Ef aðeins eru teknir þeir sem afstöðu tóku þá var samkomulagið samþykkt með 77,2% atkvæða. Á kjörskrá voru 1.332 en atkvæði greiddu 588, eða 44,1%.
Kynning á samkomulaginu
Strax eftir undirritun fóru fulltrúar Landssambands kúabænda í fundaferð um landið þar sem þeir kynntu efni samkomulagsins. Kynningarfundur í beinni útsendingu á Netinu á vegum Bændasamtakanna og Landssambands kúabænda var haldinn mánudaginn 11. nóvember kl. 12.00.
Á veffundinum gafst bændum kostur á að senda inn spurningar og fá svör frá forystufólki í samninganefndinni. Upptaka af fundinum er aðgengileg hér undir en hann hefst þegar 4 mínútur eru liðnar.
Einnig var útbúið kynningarmyndband um atriði samningsins sem dreift var á Facebook. Það er aðgengilegt hér á FB-síðu Bændasamtakanna.
Bókun sem gerð var 26. nóvember
- Kynningarglærur - pdf
- Myndband - Jóhanna María Sigmundsdóttir, framkvæmdastjóri LK
Atkvæðagreiðsla meðal bænda 27. nóv. - 4. des.
Ákveðið var 20. nóvember að fresta áður auglýstri atkvæðagreiðslu um viku. Ný auglýsing um kosninguna er að finna hér.
Kosningarétt hafa félagsmenn í Bændasamtökum Íslands sem eru jafnframt með virkt bú í skýrsluhaldi fyrir nautgriparækt. Þá hafa félagsmenn í Landssambandi kúabænda einnig kosningarétt.
Atkvæðagreiðslan mun fara fram með rafrænum hætti og verður aðgengileg á vef Bændasamtakanna www.bondi.is. Hún stendur yfir frá kl. 12.00 á hádegi þann 27. nóvember til kl. 12.00 á hádegi þann 4. desember.
Hægt verður að kanna aðild að kjörskrá í gegnum rafrænan aðgang frá kl. 12.00 á hádegi þann 20. nóvember. Sjá hér.
Ef kjósandi hefur ekki aðgang að tölvu, skal viðkomandi hafa samband við skrifstofu BÍ í síma 563-0300 og fá leiðbeiningar.
Í kjörstjórn sitja Elías Blöndal Guðjónsson formaður, Guðbjörg Jónsdóttir og Guðrún Vaka Steingrímsdóttir. Netfang kjörstjórnar er kjorstjorn@bondi.is.
Spurningar og svör vegna atkvæðagreiðslu um endurskoðaðan nautgripasamnings
1. Hverjir eru á kjörskrá?
Kosningarétt hafa félagsmenn í Bændasamtökum Íslands sem jafnframt eru með virkt bú í skýrsluhaldi fyrir nautgriparækt og/eða eru félagsmenn í Landssambandi kúabænda. Hafa ber í huga að rafrænt auðkenni þarf að vera tengt kennitölu kjósandans. Hægt er að sannreyna aðild að kjörskrá fyrir kosningarnar í gegnum rafrænan aðgang. Sjá hér.
Kosningarétt hafa félagsmenn í Bændasamtökum Íslands sem jafnframt eru með virkt bú í skýrsluhaldi fyrir nautgriparækt og/eða eru félagsmenn í Landssambandi kúabænda. Hafa ber í huga að rafrænt auðkenni þarf að vera tengt kennitölu kjósandans. Hægt er að sannreyna aðild að kjörskrá fyrir kosningarnar í gegnum rafrænan aðgang. Sjá hér.
2. Hvernig fer atkvæðagreiðslan fram?
Atkvæðagreiðslan fer einungis fram með rafrænum hætti. Til að kjósa þarf að auðkenna sig með rafrænum skilríkjum í gegnum farsíma eða með Íslykli. Atkvæðagreiðslan verður aðgengileg í gegnum vefsíðu Bændasamtakanna, www.bondi.is.
3. Hvernig fæ ég Íslykil eða rafræn skilríki?
Hægt er að panta íslykil á vefsíðunni www.island.is. Mælt er með því að fá lykilinn sendan í heimabanka en það tekur aðeins 5-10 mínútur.
Þá er hægt að nálgast rafræn skilríki í næsta viðskiptabanka en nánari upplýsingar er að finna á vefsíðunni www.audkenni.is
4. Hvað geri ég ef ég hef ekki aðgang að tölvu?
Ef kjósandi hefur ekki aðgang að tölvu, skal viðkomandi hafa samband við skrifstofu Bændasamtakanna í síma 563-0300 og fá leiðbeiningar
5. Hvaða reglur gilda um atkvæðagreiðsluna?
Reglur um atkvæðagreiðsluna hafa verið samþykktar af stjórn Bændasamtaka Íslands. Þær er að kynna sér hér.
6. Hversu lengi stendur atkvæðagreiðslan yfir?
Atkvæðagreiðslan stendur yfir frá klukkan 12:00 á hádegi þann 27. nóvember 2019 til klukkan 12:00 á hádegi þann 4. desember 2019.
7. Hvernig er tryggt að atkvæði sé ekki hægt að rekja til kjósenda?
Leitað hefur verið til þriðja aðila til að sjá um framkvæmd kosninganna en með sérstöku kosningakerfi hans er tryggt að atkvæði verði ekki hægt að rekja til kjósenda. Í 6. gr. reglna um atkvæðagreiðsluna er farið ítarlega yfir framkvæmd kosninganna. Sjá reglurnar í heild sinni hér.
8. Hvert á að snúa sér með kærur?
Þeir aðilar sem vilja leggja fram kærur er bent á að hafa samband við kjörstjórn. Í kjörstjórn sitja Elías Blöndal Guðjónsson formaður, Guðbjörg Jónsdóttir og Guðrún Vaka Steingrímsdóttir. Netfang kjörstjórnar er kjorstjorn@bondi.is.
9. Hvar verða niðurstöður kynntar?
Kjörstjórn tilkynnir stjórn Bændasamtaka Íslands um niðurstöðu atkvæðagreiðslunnar sama dag og henni lýkur, miðvikudaginn 4. desember.
Samkomulagið var undirritað í fjármálaráðuneytinu 25. október. Frá vinstri: Unnur Brá Konráðsdóttir, Kristján Þór Júlíusson, Guðrún S. Tryggvadóttir, Arnar Árnason og Bjarni Benediktsson. Mynd / TB
Uppfært 4. des. 2019