Frá því í janúar á sl. ári til upphafs yfirstandandi mánaðar hefur heildsöluverð á flestum algengustu dýralyfjum hækkað um ríflega 18%. Dæmi eru þó um mun meiri hækkanir, t.d. hefur Nafpenzal vet. hækkað um 47%. Á sama tíma hefur t.d. gengisvísitala krónunnar hækkað mun minna, eða um 10,3% og almennt verðlag (VNV) um 8,5%.

Í töflunni sem er að finna hér má sjá heildsöluverð og hámarksverð dýralyfja skv. dýralyfjaverðskrá Lyfjagreiðslunefndar frá 1. maí sl. Verðskrána í heild sinni má svo finna hér.

 

Ástæða er til að hnykkja á því að hámarksálagning í smásölu er 58% á lyfjum sem kosta 2.500 kr eða minna í heildsölu og 53% + 137,50 kr fyrir lyf sem kosta yfir 2.500 kr í heildsölu. Framlegð af t.d. Penovet sem kostar 1.208 kr m.vsk. og því 970 kr án vsk. er 358 kr eða 37%. Það telst mjög þokkaleg framlegð í smásölu, þannig að eitthvað svigrúm er til afslátta.