Eins og fram kom í bréfi sem sent var til mjólkurframleiðenda fyrir nokkrum vikum, verður gerð nokkur breyting á fyrirkomulagi C-greiðslna á því verðlagsári sem hófst 1. september sl. Miðað við verð dufts og smjörs á heimsmarkaði, þá verður að segjast að ekki er útlit fyrir að núverandi verð á umframmjólk haldi sér þegar kemur fram á næsta ár. Þar til viðbótar koma hækkanir sem orðið hafa á breytilegum kostnaði við mjólkurframleiðsluna. Gera má því ráð fyrir að mjólkurframleiðslan dragist saman um 3-4% á þessu verðlagsári m.v. það síðasta. Gangi það eftir, verður framleiðslan um 160 milljónir lítra en greiðslumarkið er 155 milljónir lítra.

Að þessum forsendum gefnum, má gera ráð fyrir að C-greiðslur verði í kr pr. ltr. eins og fram kemur í töflunni hér að neðan.

 

Ár	2009	2010
Janúar		6,92
Febrúar		7,41
Mars		0
Apríl		0
Maí		0
Júní		0
Júlí		0
Ágúst		0
September	10,21	8,30
Október	5,16	13,97
Nóvember	10,82	17,59
Desember	9,38	15,24

 

Til að mjólk fái C-greiðslur, þarf samanlagt innlegg búsins í C-greiðslumánuðum að vera innan greiðslumarks.