Bústólpi hefur sent frá sér svofellda fréttatilkynningu:

 

Líkt og undanfarin ár flytur Bústólpi inn sinn áburð í samstarfi við Áburðarverksmiðjuna/ Fóðurblönduna og nær sölusvæðið yfir Eyjafjörð, Þingeyjarsýslur og austur um t.o.m. Vopnafirði.

 

Vöru og verðskráin liggur nú fyrir og er ánægjulegt að kynna að verð lækkar um 12% frá því í fyrra. Bestu verð fást ef áburður er pantaður og greiddur fyrir 31. janúar 2016, en einnig eru í boði hagstæðir vaxtalausir greiðslusamningar líkt og í fyrra.

 

Meðfylgjandi er opinber verðskrá Áburðarverksmiðjunnar/Fóðurblöndunnar ásamt verðskrá Bústólpa, en líkt og í fyrra bjóðum við sérstakan vildarafslátt til tryggra viðskiptavina Bústólpa.

 

Í ár bjóðum við öllum sem panta fyrir 31. janúar og kaupa 10 sekki eða fleiri frían flutning heim.

 

Hágæða áburður fyrir íslenskar aðstæður

Vöruskráin byggir á formúlum Áburðarverksmiðjunnar, sem eru sérsniðnar að þörfum landbúnaðar á Íslandi. Við val á áburðartegundum voru fengnir okkur til aðstoðar helstu sérfræðingar landsins í jarðrækt og áburðarfræðum. Efnainnihald áburðarins byggir á rannsóknum sem gerðar voru á íslenskum jarðvegi og mælingum heysýna.

Einkenni NPK tegunda Áburðarverksmiðjunnar eru hátt gildi fosfórs og tiltölulega lágt gildi á kalí.

Áburðurinn er kalkríkur og inniheldur önnur snefilefni sem eru mikilvæg hér á landi.

Einkenni fjölkorna tegunda fyrirtækisins er hár vatnsleysanleiki. Hár vatnsleysanleiki er sérstaklega mikilvægur í köldu loftslagi og þar sem vaxtartíminn er stuttur eins og hér á Íslandi.

Bústólpi býður upp á fjölbreytt úrval af tegundum af eingildum, tvígildum og þrígildum áburði. Fyrirtækið býður upp á bæði einkorna og fjölkorna áburð, fimm einkorna tegundir og átta fjölkorna tegundir, þar af eru 3 tegundir sem einnig innihalda Selan

 

Hráefnin í áburðinum skipta máli uppá nýtingu og sprettu

Hvernig köfnunarefnisgjafi er í þínum áburði, AN eða CAN ?

Það eru notuð ólík hréfni við áburðarframleiðslu. Sumir framleiðendur nota AN (ammóníum nítrat), sem er ódýrt hráefni, en aðrir framleiðendur CAN (calsíum ammóníum nítrat) sem köfnunarefnisgjafa. Notkun á CAN sem köfnunarefnisgjafa tryggir að nægt kalk sé í áburðinum.

Notkun á áburði sem einungis inniheldur AN veldur súrnun jarðvegs sem leiðir til minnkanndi uppskeru. Áburðarverksmiðjan notar eingöngu CAN í sinn áburð.

Fosfór er ekki bara fosfór

Fosfórinn í áburði Áburðarverksmiðjunnar hefur >90% leysanleika og nýtist því vel sem áburðarefni.

 

Bændur eru hvattir til að hafa samband við sölumenn okkar sem munu leiðbeina frekar um val á áburðartegundum og greiðslukjörum.

Starfsfólk Bústólpa ehf.

 

Nánari upplýsingar varðandi fréttatilkynninguna veitir framkvæmdastjóri í síma 460-3350