Herforingjastjórnin í Búrma hefur nú eflt eftirlit með bæði dýraheilbrigði og matvælaframleiðslu í landinu eftir að gin- og klaufaveiki kom upp í landinu síðasta sumar. Í ár verður settur mikill kraftur í eftirlitið með reglubundum heimsóknum á kúabú landsins til þess að tryggja að ekki sé hætta á að sjúkdómsvaldur finnist í sláturafurðum. Það var einmitt þannig sem upp komst um málið í fyrra er kínversk yfirvöld fundu vírussmitað kjöt frá Búrma. Lokað var um leið á innflutnings á nautakjöti til Kína.

 

Þar til þetta mál kom upp var eftirlit með landbúnaðinum í Búrma takmarkað en eins og að framan greinir verður nú breyting á. Bæði hefur verið sett af stað umfangsmikil bólusetningarherferð og landinu skipt upp í svæði. Einungis þau svæði, þar sem heilbrigðisyfirvöld geta ábyrgst að gin- og klaufaveiki er ekki til staðar, fá heimild til útflutnings á kjöti.

 

Búrma (Myanmar) er stærsta ríkið á meginlandi Suðaustur-Asíuog í raun afar vel staðsett og á t.d. landamæri að Kína, Laos, Taílandi, Bangladess og Indlandi. Landbúnaður er lang stærsti atvinnuvegur Búrma og starfa 65% íbúa landsins við landbúnað/SS.