Búnaðarþing verður sett sunnudaginn 26. febrúar í Súlnasal Hótels sögu kl. 13:30. „Áfram íslenskur landbúnaður“ eru einkunnarorð setningarathafnarinnar en þar mun Haraldur Benediktsson, formaður BÍ, halda setningarræðu. Steingrímur J. Sigfússon, sjávarútvegs- og landbúnaðarráðherra ávarpar þingið en þar á eftir hefst hátíðardagskrá. Landbúnaðarverðlaun verða að venju afhent við upphaf Búnaðarþings. Félagarnir Eiríkur G. Stephensen og Hjörleifur Hjartarson í Hundi í óskilum troða upp og strengjakvartettinn Hugo spilar nokkur lög. Aðgangur er öllum opinn meðan húsrúm leyfir og í boði eru kaffiveitingar.

Að lokinni hátíðardagskrá funda búnaðarþingsfulltrúar og skipað verður í starfsnefndir. Þingstörf hefjast svo snemma á mánudagsmorgni en á vef Bændasamtakanna verður fylgst með framgangi mála og upplýsingar settar inn þegar þær liggja fyrir. Þar verða m.a. birt dagskrá þingsins, ræður, fundargerðir og upplýsingar um afgreiðslu mála um leið og þær berast.

Fjöldi mála liggur fyrir þinginu en það stendur yfir fram á miðvikudag. Málaskráin er sem hér segir:

Mál nr. 01-1 Reikningar Bændasamtaka Íslands
Mál nr. 02.1 Fjárhagsáætlun fyrir árið 2012
Mál nr. 03-1 Eftirlit í landbúnaði
Mál nr. 04-1 Byggðastefna
Mál nr. 05-1 Orkuverð og dreifing orku
Mál nr. 06-1 Dýralæknaþjónusta og dýravelferð
Mál nr. 07-1 Leiðbeiningaþjónusta í landbúnaði
Mál nr. 08-1 Fræðslumál í landbúnaði
Mál nr. 09-1 Hugbúnaðarþróun í landbúnaði
Mál nr. 10-1 Endurskoðun á félagskerfi bænda
Mál nr. 11-1 Fyrirkomulag varðandi álagningu og útgreiðslu búnaðargjalds
Mál nr. 12-1 Eldgos í Eyjafjallajökli og Grímsvötnum
Mál nr. 13-1 Orkumál landbúnaðarins
Mál nr. 14-1 Ágangur villtra dýra og fugla
Mál nr. 15-1 Nýting svartfuglastofna
Mál nr. 16-1 Fjármálaþjónusta og skuldamál í landbúnaði
Mál nr. 17-1 Kúasæðingar
Mál nr. 18-1 Notkun og nýtingarmöguleikar ríkisjarða
Mál nr. 19-1 Fæðuöryggi Íslands
Mál nr. 20-1 Búvörusamningar
Mál nr. 21-1 ESB
Mál nr. 22-1 Kjarasamningar við starfsfólk í landbúnaði
Mál nr. 23-1 Breytingar á samþykktum sjóða í vörslu BÍ