Samkomulag hefur tekist meðal bandarískra kúabænda innan NMPF (National Milk Producers Federation) um að draga úr framleiðslunni til að mögulega hækka verðið á mjólkinni til bænda, en verð til bænda á mjólk hefur ekki verið lægra í 25 ár, eða 18,43 Ískr/kíló. 70% allra kúabænda eru í NMPF og munu þessir bændur draga úr framleiðslunni sem nemur 540 milljónum kílóa, eða um 6,75% af landsframleiðslunni, en síðasta ár nam framleiðslan 80 milljörðum kílóa mjólkur.

 

Markmiðið hefur verið sett á að ná verðinu á mjólkinni upp fyrir 20 krónur/kíló og telja menn líkur á að slíkt geti gengið með framangreindum niðurskurði framleiðslunnar. Jafnframt hefur verið ákveðið að veita stórauknu markaðsfé til útflutnings á osti og smjöri.

 

Þeir bændur sem taka þátt í þessum aðgerðum fá bætur vegna þeirra kúa sem teknar eru úr framleiðslu fyrr en áætlað var. Gert er ráð fyrir að aukning í slátrun kúa nemi um 36.000 kúm, en geta má þess að heildarfjöldi kúa í Bandaríkjunum er um 9,2 milljónir.