Bandaríska landbúnaðarstofnunin USDA hefur nú gefið út spá fyrir ársframleiðslu mjólkur á þessu ári og gerir spá stofnunarinnar ráð fyrir að mjólkurframleiðsla landsins endi í 99,3 milljörðum lítra! Þetta er umtalsverð aukning frá fyrra ári og liggur skýringin fyrst og fremst í mikilli aukningu á meðalnyt bandarískra kúa.

Við höfum áður greint frá því að ýmis vandamál steðja að bandarískri mjólkurframleiðslu og liggur fyrir að þarlendi markaðurinn tekur ekki við meiri framleiðslu og þarf því að auka útflutning mjólkurvara frá landinu. Spá USDA gerir ráð fyrir því að þær vörur sem muni bera uppi útflutninginn verði aðallega ostar og vörur unnar úr mysu/SS.