Breskir bændur, sem standa að samtökunum „Farmers For Action“ (FFA), hafa fengið jákvæð svör frá yfirvöldum um að stofna fyrirtæki á landsvísu sem verði milliliður á milli bænda og afurðastöðva. Markmiðið með fyrirtækinu er fyrst og fremst að losa tök afurðastöðva á bændum og að ná með því hagstæðara verði á afurðunum til bænda.

 

Fram kemur á vef FWi að það hafi í raun komið bændunum á óvart að þeir skildu fá jákvæð viðbrögð við því að eitt fyrirtæki bænda gæti selt alla mjólk framleidda í Bretlandi. Eina skilyrðið er að fyrirtækið má ekki mismuna kaupendum mjólkurinnar.