Nýju búvörusamningarnir verða kynntir meðal bænda í fundaferð sem hefst mánudaginn 7. mars og lýkur föstudaginn 11. mars. Þar gefst bændum kostur á að ræða niðurstöður samninganna við forystumenn bænda.

Efni samninganna er aðgengilegt á vefsíðu Bændasamtakanna, sjá hér, og í síðasta tölublaði Bændablaðsins. Glærur með efni bændafundanna verða settar inn á Bændatorgið fljótlega. Minnt er á reiknivél inni á vefsíðu Ráðgjafarmiðstöðvar landbúnaðarins þar sem bændur geta geta mátað sín bú inn í reiknilíkan.

Fundataflan er birt með fyrirvara um breytingar.

Athugið breyttan fundartíma frá áður auglýstri fundardagskrá í Goðalandi í Rangárþingi, Breiðamýri í S-Þingeyjarsýslu og á Ísafirði (fundi á Ísafirði á mánudag var frestað vegna þess að flug féll niður). Að auki var bætt við fundi á Breiðdalsvík föstudaginn 11. mars.