Forystufólk Bændasamtaka Íslands heldur til fundar við bændur nú í upphafi árs. Alls eru skipulagðir 18 almennir bændafundir víðs vegar um landið dagana 16.-18. janúar. Fulltrúar Ráðgjafarmiðstöðvar landbúnaðarins verða með í för og ræða um framtíðarsýn og þróun ráðgjafarþjónustu.

 

Að sögn Sindra Sigurgeirssonar, formanns BÍ, er af mörgu að taka. Rætt verður um stöðuna í landbúnaðinum og farið vítt yfir sviðið. Árið 2017 var fyrsta ár nýrra búvörusamninga og fyrir liggur fyrsta endurskoðun þeirra. Þá er nýlegur dómur EFTA-dómstólsins um innflutning á hráu kjöti og eggjum bændum umhugsunarefni og ljóst að því máli er hvergi nærri lokið. Sindri segir að viðfangsefni næstu missera verði áfram þau að bæta hag bænda og móta framtíðarsýn fyrir atvinnugreinina. Hann segir mikilvægt fyrir bændastéttina að standa saman og að rödd hennar hljómi sem víðast og sterkast. „Við verðum að gæta hagsmuna landbúnaðarins og þess vegna rekum við öflug Bændasamtök,“ segir Sindri í bréfi til félagsmanna sem birt er í auglýsingu í nýju Bændablaði.

 

Hádegis- og kvöldfundir

 

Fundirnir hefjast í hádeginu  þriðjudaginn 16. janúar með fundum á Kópaskeri og Egilsstöðum. Athugið að auglýstum fundi á Ísafirði er frestað vegna óhagstæðrar veðurspár.

 

Á þriðjudagskvöld kl. 20.30 verða fundir í Kjós, Breiðumýri og Berufirði.

 

Í hádeginu á miðvikudag 17. janúar verða fundir á Blönduósi, í Eyjafirði og í Hornafirði.

 

Kvöldfundir á miðvikudag verða í Skagafirði, á Ströndum og á Kirkjubæjarklaustri.

 

Í hádeginu á fimmtudag verða fundir á Snæfellsnesi, í Heimalandi og á Barðaströnd.

 

Fundalotunni lýkur með kvöldfundum í Dölum, á Hvanneyri og í Þingborg í Flóa.

 

Allir núverandi og verðandi félagsmenn í Bændasamtökum Íslands eru velkomnir á fundina. Nánari upplýsingar um staði og tímasetningar er að finna hér undir og í auglýsingu á bls. 39 í 1. tbl. Bændablaðsins 2018.

Fundarstaður	Dagsetning		Tími	Svæði
FRESTAÐ - Hótel Ísafjörður	16. janúar	þriðjudagur	12.00	Ísafjörður
Fjallalamb	16. janúar	þriðjudagur	12.00	Kópasker
Hótel Icelandair	16. janúar	þriðjudagur	12.00	Egilsstaðir
Ásgarður	16. janúar	þriðjudagur	20.30	Kjós
Breiðamýri	16. janúar	þriðjudagur	20.30	S-Þingeyjarsýsla
Karlsstaðir	16. janúar	þriðjudagur	20.30	Berufjörður
Félagsheimilið Blönduósi	17. janúar	miðvikudagur	12.00	Blönduós
Hlíðarbær	17. janúar	miðvikudagur	12.00	Eyjafjörður
Mánagarður	17. janúar	miðvikudagur	12.00	Hornafjörður
Langamýri	17. janúar	miðvikudagur	20.30	Skagafjörður
Sævangur	17. janúar	miðvikudagur	20.30	Strandir
Kirkjuhvoll	17. janúar	miðvikudagur	20.30	Kirkjubæjarklaustur
Breiðablik	18. janúar	fimmtudagur	12.00	Snæfellsnes
Heimaland	18. janúar	fimmtudagur	12.00	Rangárvallasýsla
Birkimelur	18. janúar	fimmtudagur	12.00	Barðaströnd
Dalabúð	18. janúar	fimmtudagur	20.30	Dalir
Landbúnaðarháskólinn	18. janúar	fimmtudagur	20.30	Hvanneyri
Þingborg	18. janúar	fimmtudagur	20.30	Árnessýsla

Fundaplan er birt með fyrirvara um breytingar.