Neytendur kaupa nú orðið æ oftar allskonar tilbúna rétti, skyndibita og snakk sem innihalda ostaduft og svo virðist sem víða erlendis sé neysla á einmitt vörum sem innihalda ostaduft að aukast frá því sem áður var. Enn sem komið er, er notkunin á duftuðum ostum lang mest í Bandaríkjunum en þar er áralöng hefð fyrir notkun á þessari sérstöku mjólkurvöru. Samhliða aukinni neyslu mjólkurvara í Asíu og aukinni þekkingu matreiðslufólks í þeirri heimsálfu á nýtingu ólíkra mjólkurvara hefur notkun á ostadufti aukist jafnt og þétt og er Asíu-markaðurinn nú sá markaður sem er í mestum vexti þegar horft er til sölu á ostadufti.

Þetta eru auðvitað afar góð tíðindi fyrir kúabændur og afurðastöðvar og spáir markaðsrannsóknafyrirtækið Allied Market Research mikilli aukningu á sölu á ostadufti á komandi árum/SS.