Ástralskir kúabændur hafa löngum verið stórtækir í útflutningi á lífdýrum, mest til kjötframleiðslu, en nýtt uppgjör fyrir 2014/2015 tímabilið sýnir að mikill vöxtur er í þessari atvinnugrein í landinu. Alls jókst útflutningurinn um 22% frá fyrra samanburðartímabili og jókst verðmæti hinna útfluttu gripa enn meira eða um 29%. Stærsta viðskiptaland ástralskra kúabænda er Indónesía en þangað voru fluttir nærri 750 þúsund nautgripir. Víetnam fékk einnig all nokkrar ástralskar hjarðir en þangað fóru rúmlega 300 þúsund nautgripir á 12 mánaða tímabili.

 

Þrátt fyrir uppganginn þá voru ekki allir markaðir að taka jafn vel við gripum og t.d. féll salan til Kína um 15% og endaði uppgjörsárið með tæplega 80 þúsund gripum sem voru fluttir þangað. Þá dróst einnig saman salan til Malasíu um 4% og til Ísrael um 39% en til þessara tveggja landa fóru þó nærri 120 þúsund nautgripir/SS