Samkvæmt upplýsingum úr skýrsluhaldskerfi Bændasamtaka Íslands í nautgriparækt, fjölgaði ásettum nautkálfum lítillega milli áranna 2009 og 2010. Samkvæmt gögnunum voru 9.038 nautkálfar settir á til kjötframleiðslu á sl. ári, samanborið við 8.941 árið 2009. Aukningin er 1,1%. Þessi tala getur átt eftir að breytast lítillega til hækkunar, þar sem nokkrir framleiðendur skila skýrslum heldur seinna en æskilegt væri. Í töflunni hér fyrir neðan má sjá mánaðarlegan ásetning nautkálfa árin 2008 til janúar 2011.