Ásetningur nauta fyrstu þrjá mánuði ársins, samkvæmt skýrsluhaldsupplýsingum frá Bændasamtökum Íslands, er nánast sá sami og hann var árin 2008 og 2009. Fyrstu þrjá mánuði ársins settu kúbaændur á 2.121 naut en árið 2009 2.112 og árið 2008 2.103. Eins og sjá má á meðfylgjandi mynd eru sveiflurnar vart greinanlegar. Á þessum tíma hefur verð

til kúabænda fyrir nautakjöt verið tiltölulega stöðugt, sem skýrir að hluta jafnan ásetning nauta. Önnur skýring er einfaldlega jöfn aðstöðunýting í fjósum landsins.

 

Eins og sjá má við skoðun myndarinnar (með því að smella á hana má sjá stærri upplausn), er ásetningur á naut alltaf minnstur í júlí og þar sem flestir slátra nautum við tveggja ára aldur, er viðbúið að minnst sé framboð nauta einmitt yfir há-sumartímann. Staða sem er vel þekkt.

 

Heildarásetningur síðustu 12 samanburðarhæfu mánuði var 1,5% meiri en fyrir sambærilegt tímabil árið á undan. Er þessi munur það lítill að erfitt er að draga ályktanir um hvert ásetningur stefnir í raun.

 

Athygli lesenda skal vakin á því tölurnar fyrir apríl og maí í ár (2010) eru of lágar þar sem allar ásetningsskýrslur eru ekki komnar í hús. Þessar tölur leiðréttast næst þegar þessar upplýsingar verða teknar saman, en það gera Bændasamtök Íslands fyrir LK á þriggja mánaða fresti. Af þeim sökum var í þessum samanburði horft á tímabilin til og með mars 2010.