Fulltrúaráð Arla hefur nú ákveðið að stórauka mjólkurvinnslu fyrirtækisins eða um 3-4 milljarða lítra á næstu 5 árum. Í dag er Arla þegar með stærstu afurðafélögum í heimi með 9 milljarða lítra mjólkur innvegna á ári, en markmiðið er að auka velstu þess um hartnær 50% eða í um 1.600 milljarða Íkr. Þessu markmiði hyggjast kúabændurnir í Danmörku og Svíþjóð ná með því að m.a. auka framlag sitt í stofnsjóð um helming næstu árin. Samhliða aukinni framleiðslu bændanna í Danmörku og Svíþjóð ætla þeir að byggja upp

sterkari eiginfjárstöðu Arla og nýta fjármagnið til uppkaupa á öðrum arðbærum afurðafyrirtækjum.

 

Ástæða þess að bændurnir hafa tekið þessa ákvörðun, þrátt fyrir afar erfiða stöðu þeirra sjálfra – sér í lagi danskra kúabænda – er sú að þeir hafa trú á því að aðgerðin skili ekki aðeins félaginu þeirra í fremstu röð heldur einnig hækkuðu afurðaverði þegar frá líður.

 

Framlag innleggjenda Arla í félagið verður 13-15 danskir aurar/kg en markmið stjórnar Arla er að ná hækkun á afurðaverði til félagsmanna sinna um 40-50 danska aura árið 2015 og þannig fái bændurnir í raun endurgreidda sína fjárfestingu. Búist er við því að framlag bændanna skili félaginu um 120 milljörðum króna.