Nú styttist heldur betur í árshátíð Landssambands kúabænda, en eins og alþjóð veit verður hún haldin á Hótel Selfossi laugardagskvöldið 9. apríl að aðalfundi loknum. Athygli skal vakin á því að enn eru til lausir miðar og er tekið á móti pöntunum í síma 433-7077 og á netföngunum lk@naut.is og ritari@naut.is. Einnig er vert að minna á tilboð til árshátíðargesta frá Ozone hárstúdíó, sem hægt er að lesa um hér á síðunni. Árshátíðargestir sem eiga pantað

 herbergi á Hótel Selfossi geta farið að mæta þangaðð eftir kl. 14:00 og þeir gestir sem hafa pantað herbergi á Gesthúsi við Engjaveg geta mætt þangað upp úr hádegi.

 

Árshátíðin byrjar kl. 20:00 með fordrykk í boð Fóðurblöndunnar hf. Eftir það verður sest að snæðingi og er það Sláturhúsið Hellu sem sér um að útvega dýrindis kjöt sem boðið verður upp á. Skemmtiatriði af ýmsum toga að hætti Smaladrengjanna verða á milli rétta og einnig eftir matinn. Viðurkenningar verða veittar, happdrættið verður á sínum stað og eru margir spennandi vinningar í boði. Hljómsveitin SMS mun svo spila fyrir dansi fram eftir nóttu, af sinni alkunnu snilld.