Það sem af er ári hefur verið stöðug söluaukning í ostum og viðbiti. Í viðbitinu er söluaukningin 6,1%, þar af er aukning í smjörsölu 6,4% og 5,9% aukning í sölu á smjörva. Í ostum er aukningin 4,9%. Mesta hlutfallslega aukningin er í sölu á 11% osti, heil 91%, fer úr 22 tonnum í 43 tonn. Mjög góð viðbót er einnig í 26% osti eða 3,1%. Það sem munar þó mest um er 13% aukning í sölu á rifnum ostum, þar fer salan úr 493 tonnum í 557 tonn. Þetta eru mjög ánægjuleg tíðindi fyrir kúabændur, þar sem til að framleiða hvert kg af osti og smjöri þarf marga lítra af mjólk.

Þess ber að geta að á þeim tíma sem hér um ræðir, 1.1.-6.9 er liðinn einum söludegi fleira í ár en á sama tímabili árið 2005.