Ný dönsk samantekt um starfsemina innan hins norræna kynbótasamstarfs kom út í vikunni. Þar eru kynntar ýmsar fróðlegar upplýsingar um danska kynbótastarfið og margar tölulegar staðreyndir settar fram. Meðal þess sem þar má sjá er að frá árinu 2007 til ársins í ár hefur íslenskum nautgripum fækkað jafnt og þétt í Danmörku. Árið 2007 voru þar 22 skráðir íslenskir nautgripir en einungis 13 í ár. Á sama tíma hefur hinsvegar orðið fjölgun í tveimur stærstu stofnunum. Dönskum Holstein

fjölgaði um 25 þúsund gripi á sama tíma eða úr 946.000 í 971 þúsund!

 

Danskir Jersey gripir eru einnig í sókn en stofninn stækkaði úr 137 þúsund árið 2007 í 142 þúsund í ár.

 

Við lesturinn má einnig sjá að Limousine er að ná sterkri stöðu meðal holdanautabænda, en Hereford gefur lítillega eftir á meðan örlítil fjölgun verður meðal Simmental. Þessi þrjú kyn eru með fleiri gripi en öll hin holdanautakynin til samans.

 

Aðrir stofnar nautgripa standa nokkuð í stað á þessu árabili eins og sjá má við skoðun á meðfylgjandi töflu, en alls eru skráðir um 1,5 milljón nautgripir í landinu. Athygli vekur gríðarlegur fjöldi skráðra nautgripakynja í Danmörku, en auk þeirra sem taldir eru upp í tölfunni eru 10 önnur kyn skráð eða alls 41 kúakyn, auk ýmissa blendinga. Hér á landi eru hinsvegar einungis fjögur kúakyn (íslenskt, Galloway, Angus og Limósín).

 

Nautgripakyn	2007	2010
Rauðir danskir	109.344	103.947
Danskir Holstein	946.425	971.514
Danskir Jersey	136.829	141.613
Rauðskjöldóttir Holstein	18.352	14.641
Finnskir Ayrshire	619	673
NRF	25	15
Íslenskir	22	13
Agersö	76	125
Jótlands	491	737
Simmental	24.099	24.518
Pinzgauer	62	102
Brown Swiss	73	58
Grauvieh	670	818
Highland	9.262	10.458
Danskir Gelbvieh	37	26
Dexter	2.388	3.379
Salers	210	278
Angus	16.484	17.530
Galloway	3.912	5.692
Ungverskir	12	26
Hinterwälder	14	21
Hereford	36.776	35.781
Svartir Welskir	19	88
Piemontese	488	508
Hvítir d’aquitaine	3.452	3.661
Danskir stutthorna	647	616
Charolais	14.664	14.513
Limousine	46.843	50.975
Belgískir bláir	563	488
Buffalóar	620	1.014
Zebu	21	30

 

Þeir sem hafa áhuga á að lesa skýrsluna eða glöggva sig á einhverjum tölum í henni geta gert það með því að smella hér.