Samkvæmt upplýsingum úr skýrsluhaldi nautgriparæktarinnar, jókst ásetningur á nautkálfum um rúmlega 4% á fyrri helmingi þessa árs, í samanburði við síðasta ár. Fyrstu sex mánuðina voru rúmlega 5.500 kálfar settir á, samanborið við tæplega 5.300 kálfa á sama tímabili 2014, fjölgunin er því ríflega 200 gripir. Undanfarin ár hafa bændur sett á fleiri kálfa til að mæta stóraukinni eftirspurn eftir nautakjöti hér á landi; árið 2013 voru ásettir kálfar rétt tæplega 10.000 en 2014 voru þeir rúmlega 11.200 talsins. Í tímans rás mun þessi aukning leiða til 250-300 tonna aukningar á ársframleiðslunni. Í þeim efnum gildir þó að betur má ef duga skal; innflutningur á nautgripakjöti fyrstu sjö mánuðina 2015 var um sex hundruð tonn. Það er því ennþá mjög mikið svigrúm til aukinnar verðmætasköpunar á þessu sviði hér á landi.   

 

Á myndinni hér að neðan má sjá hvernig þróunin í ásetningi er í einstökum mánuðum, frá ársbyrjun 2013 til júní í ár./BHB