Nýverið varð alvarlegt slys í Svíþjóð þegar stór slökkviliðsbíll í forgangsakstri vegna útkalls keyrði inn í hóp kúa sem hafði sloppið upp á veg frá nátthaganum sínum. Það sem er eiginlega hálf undarlegt við slysið er að slökkviliðsbíllinn var á leið í útkall vegna þess að fólksbíll hafði ekið á kú og farið illa í slysinu. Slökkvliðinu tókst þó ekki að komast á slysstað því um nokkrum kílómetrum áður en þangað var komið stöðvaðist förin.

Alls lágu 37 kýr í valnum eftir slysið en engin slys urðu á fólki segir í frétt frá Östra Skaraborg, þaðan sem slökkvliðið kom. Aðspurðir um ástæður þess að svo margar kýr gátu drepist í slysinu sagði slökkvliðisstjórinn að bíllinn hafi bæði verið á mikilli ferð auk þess sem hann er mjög þungur og því hafi ekki tekst að bremsa niður nógu hratt, því hafi farið sem fór/SS.