Í árslok 2004 var fjöldi nautgripa hér á landi kominn niður í 64.639 gripi á 1.189 búum. Þar af eru kýr 24.392, holdakýr 1.279 og kvígur 5.958 en þetta kemur fram í nýrri samantekt sem unnin var af Bændasamtökum Íslands fyrir Landssamband kúabænda. Alls nemur heildarfækkun

nautgripa 2,1% á milli ára og er mest fækkun í flokki geldneyta en við því var búist enda hættu margir kúabændur að setja á kálfa til lífs árið 2003, þegar sláturverð nautgripakjöt lækkaði mikið. Seinnipart síðasta árs fóru verð sláturleyfishafa á ný að fara í rétta átt og virðast viðbrögð kúabænda ekki hafa látið á sér standa, enda eykst ásetningur á nautkálfa um nærri 500 kálfa á árinu 2004 miðað við árið 2003.

 

Árið 2004 fækkaði kúm um 2,0% eða um 507 kýr. Nánar má sjá niðurstöðurnar hér fyrir neðan:

 

Nautgripir samkvæmt forðagæsluskýrslum árin 2003-2004 og 2004-2005

	2003-2004	2004-2005	Mismunur	Hlutfall
Kýr	24.902	24.395	– 507	-2,0%
Holdakýr	1.423	1.279	– 144	-10,1%
Kvígur	5.599	5.958	+ 359	+6,4%
Geldneyti	17.575	15.896	– 1.679	-9,6%
Kvígukálfar	10.094	10.204	+ 110	+1,1%
Nautkálfar	6.440	6.907	+ 467	+7,3%
Nautgripir alls	66.033	64.639	– 1.394	-2,1%

 

Fjöldi búa með nautgripi árið 2003 var 1.249 og þar af 1.146 bú með fleiri en 5 nautgripi. Árið 2004 fer heildarfjöldi búa niður í 1.189 og þar af voru 1.089 bú með fleiri en 5 nautgripi. Fækkun búa með nautgripi nemur því 5% á milli ára.