Fimmtándi fundur stjórnar Landssambands kúabænda starfsárið 2017-2018, var haldinn á Hótel Selfossi, Eyravegi 2, Selfossi,  fimmtudaginn 6. apríl 2018 kl.21:10.

Á fundinn mættu Arnar Árnason formaður, Pétur Diðriksson, Herdís Magna Gunnarsdóttir og Bessi Freyr Vésteinsson. Elín Heiða Valsdóttir forfallaðist á síðustu stundu og ekki var unnt að kalla til varamann. Margrét Gísladóttir, framkvæmdastjóri, ritaði fundargerð.

Formaður setti fund og svo var gengið til dagskrár.

Þetta var gert:

1. Kjörbréfa- og uppstillinganefnd. Stjórn samþykkir að kjörbréfa- og uppstillinganefnd verði skipuð með eftirfarandi hætti: Jón Gíslason, Lundi (formaður nefndar), Hermann Ingi Gunnarsson, Klauf, og Hrefna Hafsteinsdóttir, Hóli.
2. Fyrirmyndarbú LK 2018. Óskað var eftir tilnefningum frá aðildarfélögum LK um fyrirmyndarbú LK árið 2018. Einnig var leitað til Jarle Reiersen eftir upplýsingum um búin. Stjórn er sammála um að Hrepphólar í Hrunamannahreppi hljóti viðurkenningu sem fyrirmyndarbú LK árið 2018.
3. Önnur mál.

• Mikið rætt um ótakmarkaða eftirspurn eftir greiðslumarki á innlausnarmarkaði. Nú er ljóst að óskað er eftir rúmlega 33 milljónum lítra á næsta innlausnardegi, eða sem samsvarar rúmlega 1/5 af allri framleiddri mjólk og er það mat stjórnar að þessi staða endurspegli ekki raunverulega eftirspurn. Lausnir sem hafa verið ræddar í þessum málum eru m.a. að setja þak á hvað hver framleiðandi getur óskað eftir miklu magni á hverjum innlaunsarmarkaði fyrir sig. Einnig rætt um tilfærslu greiðslumarks milli lögbýla í eigu sama aðila, sem heimiluð er í 54. grein búvörulaga. Telur stjórn ljóst að endurskoða þurfi þá heimild svo viðskipti með greiðslumark sé með sem eðlilegustum hætti og framleiðendur sem óska eftir greiðslumarki sitji við sama borð. Fundur er hjá framkvæmdanefnd búvörusamninga 23. apríl nk. og verður málið tekið á dagskrá þar.
• Fyrsti fundur nýs starfshóps um endurskoðun búvörusamninga er dagsettur 24. apríl nk.
• Elín Heiða Valsdóttir, sem setið hefur í stjórn LK frá aðalfundi 2016, mun ekki gefa kost á sér til áframhaldandi setu í stjórn. Er henni þakkað fyrir vel unnin störf í þágu kúabænda.

Fleira var ekki gert og fundið lokið kl.22.30

Margrét Gísladóttir, framkvæmdastjóri Landssambands kúabænda