Nú liggja fyrir upplýsingar um ársframleiðslu mjólkur á Íslandi árið 2010 en samkvæmt upplýsingum frá Samtökum afurðastöðva í mjólkuriðnaði nam innvigtunin á árinu 123,2 milljónum lítra og var innvigtunin 2,4 milljónum minni en árið 2009 eða sem nemur 1,9%. Innvigtun mjólkur í desember, til afurðastöðva innan SAM, var 3,2% minni en í desember árið 2009.

 

Í meðfylgjandi töflu má sjá hvernig innvigtunin skiptist á milli mánaða árin 2010 og 2009.

 

Mánuður	2010	2009	Mismunur	Mism. %
Janúar	10.301.428	10.766.374	-464.946	-4,32
Febrúar	9.926.408	10.049.873	-123.465	-1,23
Mars	11.597.540	11.313.417	+284.123	+2,51
Apríl	10.903.302	11.253.031	-349.729	-3,11
Maí	11.348.595	11.455.207	-106.612	-0,93
Júní	11.189.096	11.584.468	-395.372	-3,41
Júlí	10.544.458	10.715.544	-171.086	-1,60
Ágúst	10.017.706	10.082.583	-64.877	-0,64
September	9.233.289	9.450.302	-217.013	-2,30
Október	8.906.469	9.369.819	-463.350	-4,95
Nóvember	9.290.007	9.344.256	-54.249	-0,58
Desember	9.858.223	10.184.587	-326.364	-3,20
SAMTALS	123.178.275	125.569.461	-2.391.186	-1,90

 

Sala mjólkurvara árið 2010 var undir væntingum, en samtals var salan á próteingrunni 114,7 milljónir lítra sem er samdráttur sem nemur -1,21% samanborið við árið 2009.

 

Sala mjólkurvara á fitugrunni var einnig undir væntingum, en samtals var salan 110,7 milljónir lítra sem er samdráttur um 0,83% frá árinu 2009.

 

Þá var salan í desember töluvert frá desembersölunni árið 2009 en samdráttur í sölu á próteingrunni nam 3,4% og 6,7% á fitugrunni.

 

Uppgjör innvigtunar mjólkursamlagana sýnir að mikil aukning varð á árinu 2010 í innvigtun á Egilsstöðum eða sem nemur 10,5% og næst mest aukning í Skagafirði eða 4,2%. Mestur hlutfallslegur samdráttur í innvigtun varð hinsvegar hjá samlaginu í Búðardal, en innvigtun þar var 13,5% minni árið 2010 en árið 2009. Mestur samdráttur í lítrum talinn var hinsvegar hjá MS Selfossi eða um 1,5 milljónir lítra. Sjá nánar í meðfylgjandi töflu.

 

Mjólkursamlag	Innvigtunin 2010 í milljónum lítra	Breytingar frá 2009
MS Reykjavík	15,1	-1,9%
MS Búðardal	3,7	-13,5%
MS Ísafirði	1,4	+1,3%
Mjólkursamlag KS	12,1	+4,2%
MS Akureyri	37,3	-2,7%
MS Egilsstöðum	6,0	+10,5%
MS Selfossi	47,5	-3,2%
Samtals landið	123,2	-1,9%