15. ágúst 2022

Verðlagsnefnd búvara 2022-2024 hefur verið skipuð

Verðlagsnefnd búvara 2022-2024 hefur verið skipuð

Inn á vef Stjórnarráðs Íslands má nú finna upplýsingar um nýja verðlagsnefnd búvöru sem skipuð var í sumar og kemur til með að starfa árin 2022-2024.

Samkvæmt 7. gr. búvörulaga nr. 99/1993 er það matvælaráðherra sem skipar verðlagsnefnd búvara. Tveir fulltrúar eru tilnefndir af samtökum launþega, tveir af Bændasamtökum Íslands og tveir af Samtökum afurðastöðva í mjólkurframleiðslu.  Ráðherra tilnefnir einn fulltrúa og er hann formaður nefndarinnar. Varamenn eru tilnefndir með sama hætti. 

Í nefndinni eiga sæti:

Aðalmenn:

  • Kolbeinn Hólmar Stefánsson, skipaður formaður án tilnefningar
  • Herdís Magna Gunnarsdóttir, tilnefnd af Bændasamtökum Íslands
  • Reynir Þór Jónsson, tilnefndur af Bændasamtökum Íslands
  • Elín Margrét Stefánsdóttir, tilnefnd af Samtökum afurðastöðva í mjólkuriðnaði
  • Pálmi Vilhjálmsson, tilnefndur af Samtökum afurðastöðva í mjólkuriðnaði
  • Helga Ingólfsdóttir, tilnefnd af Alþýðusambandi Íslands
  • Hrannar Már Gunnarsson, tilnefndur af Bandalagi starfsmanna ríkis og bæja

Varamenn:

  • Elísabet Anna Jónsdóttir, skipuð varamaður formanns án tilnefningar
  • Rafn Bergsson, tilnefndur af Bændasamtökum Íslands
  • Hermann Ingi Gunnarsson, , tilnefndur af Bændasamtökum Íslands
  • Ásvaldur Þormóðsson, tilnefndur af Samtökum afurðastöðva í mjólkuriðnaði
  • Þórunn Andrésdóttir, tilnefnd af Samtökum afurðastöðva í mjólkuriðnaði
  • Björn Snæbjörnsson, tilnefndur af Alþýðusambandi Íslands
  • Sonja Ýr Þorbergsdóttir, tilnefnd af Bandalagi starfsmanna ríkis og bæja

 

Einnig hefur ráðherra tilnefnt Hálfdán Óskarsson sem fulltrúa minni vinnslufyrirtækja mjólkur sem áheyrnarfulltrúa í nefndina og skal hann hafa tillögurétt.

Með nefndinni starfar Arnar Freyr Einarsson hagfræðingur í matvælaráðuneytinu.

Óskum við nefndinni velfarnaðar við störf sín en minnum jafnframt á mikilvægi þess að nefndin hefji störf sín sem fyrst.