05. nóvember 2020

Samningur um afleysingaþjónustu fyrir bændur framlengdur til áramóta

Samningur um afleysingaþjónustu til bænda sem veikjast af völdum COVID-19 hefur verið framlengdur til áramóta. Samningur um afleysingaþjónustu til bænda sem veikjast af völdum COVID-19 hefur verið framlengdur til áramóta.

Í upphafi kórónuveirufaraldursins í vor gerðu Bændasamtökin samkomulag, fyrir hönd sinna félagsmanna, við félagsmálaráðuneytið og Vinnumálastofnun um fjárstuðning úr Tryggingasjóði sjálfstætt starfandi einstaklinga til að standa undir kostnaði félagsmanna við afleysingaþjónustu fyrir bændur sem veikjast af völdum COVID-19. Sá samningur náði til loka maí á þessu ári en hefur nú verið framlengdur fram að áramótum.

Bændasamtök Íslands í samvinnu við búnaðarsambönd hafa skipulagt afleysingaþjónustu fyrir bændur sem veikjast af völdum kórónuveirunnar. Nokkrir aðilar eru á viðbragðslista sem munu taka að sér bústörf þegar og ef þörf er á. Þeir bændur, sem geta ekki sinnt sínum störfum, eiga kost á að sækja um afleysingu að hámarki í 14 daga.

Búnaðarsamböndin sjá um utanumhald, samskipti við verktaka og útdeilingu verkefna á hverju búnaðarsambandssvæði. Hægt er að sækja strax um aðstoð en boðið er upp á þjónustuna út desember.

Upplýsingar eru veittar í netfangið afleysing@bondi.is og í eftirfarandi símanúmerum:

Búnaðarsamband A-Skaftfellinga, sími 867-9634

Búnaðarsamband Austurlands, sími 893-9375

Búnaðarsamband Eyjafjarðar, sími 460-4472

Búnaðarsamband Húnaþings og Stranda, sími 451-2602

Búnaðarsamband N-Þingeyinga, sími 895-0833

Búnaðarsamband Skagfirðinga, sími 846-8185

Búnaðarsamband Suðurlands, sími 480-1800

Búnaðarsamband S-Þingeyinga, sími 843-9140

Búnaðarsamtök Vesturlands, sími 437-1215