14. mars 2022

Íslenskt staðfest er nýtt upprunamerki fyrir matvörur og blóm

Íslenskt staðfest er nýtt upprunamerki fyrir matvörur og blóm

Íslenskt staðfest er nýtt upprunamerki fyrir matvörur og blóm sem eru framleiddar og pakkað á Íslandi. Merkið mun auðvelda neytendum að velja íslenskt, en til að mega nota merkið þurfa framleiðendur að ábyrgjast að hráefni sé íslenskt og framleiðsla hafi farið fram á Íslandi. Kjöt, egg, sjávarfurðir og mjólk skal í öllum tilfellum vera 100% íslenskt. Allt að 25% innihalds í blönduðum/unnum matvörum má vera innflutt. 

Svar við ósk neytenda 

Neytendur vilja skýrar upplýsingar um uppruna matvöru og betri upprunamerkingar. 

Yfirgnæfandi meirihluti vill velja íslenskt.* 

  • Tæp 90% svarenda telja upprunamerkingar mikilvægar.
  • Um 20% svarenda hafa upplifað að hafaverið blekkt við innkaup hvað varðar uppruna matvöru.
  • Rúm 70% neytenda segjast óánægðir með að erlendar kjötafurðir séu seldar undir íslenskum vörumerkjum.
  • 63% svarenda óska þess að innlendar matvörur verði upprunamerktar.
  • Ríflega 80% neytenda kjósa íslenskar vörur í verslunum sé þess kostur.

*Könnun Gallup fyrir Icelandic Lamb 2021 

Bændasamtök Íslands eiga og reka merkið. Vottunarstofan Sýni sér um úttektir hjá þeim 

fyrirtækjum sem kjósa að nota merkið. Enginn má nota merkið nema hafa til þess leyfi sem sótt er um sérstaklega, gangast undir staðal merkisins og uppfylla opinberar kröfur til 

sinnar starfsemi. 

Markmið 

  • Auka sýnileika og markaðshlutdeild íslenskra afurða.
  • Stuðla að því að íslenskar vörur rati á borð neytenda.
  • Tengja neytendur betur við frumframleiðendur og auka verðmæti innlendra afurða.
  • Fræða neytendur um kosti íslenskra matvæla og verslunar.
  • Festa merkið í sessi sem óumdeilt gæðamerki sem má treysta.

Merkið tryggir upprunann 

stadfest.is