Útgáfa og kynning

Hluti af starfsemi Bændasamtakanna snýr að almannatengslum og útgáfu. Samtökin eiga og gefa út Bændablaðið og reka vefina bondi.is og bbl.is. 

Fræðslustarf fyrir almenning um landbúnað er hluti af starfsemi BÍ. Verkefnið "Dagur með bónda" gengur út á að bændur heimsækja 7. bekki og fræða um líf og störf í sveitinni. Á fjórða tug sveitabæa mynda tengslanetið "Opinn landbúnaður" en þeir eiga allir það sameiginlegt að taka á móti gestum sem vilja kynna sér bústörfin.

Samskipti við fjölmiðla og miðlun efnis um hagsmuni bænda er ríkur þáttur í starfsemi útgáfu- og kynningarsviðs BÍ. 

Að auki gefa samtökin út veggspjöld og ýmsa upplýsingabæklinga, koma að framleiðslu myndbanda og annars kynningarefnis.

Um þessar mundir er í vinnslu fræðsluefni um landbúnað á íslensku og ensku sem mun liggja hér á vefnum innan skamms.

Hjá útgáfu- og kynningarsviði BÍ starfa 5 einstaklingar í fullu starfi ásamt nokkrum verktökum sem sinna afmörkuðum verkefnum.