Eftir mánuðum
Ekkert lát á hækkunum á áburðarverði á heimsmarkaði
Áburðarverð á heimsmarkaði og til bænda hefur hækkað ört á síðustu vikum. Mikil aukning á eftirspurn, ört hækkandi kornverð og framleiðsla á lífeldsneyti knýr þessa þróun áfram. Á heimasíðu Yara er að finna verðþróun á helstu áburðarefnum. Verð er uppfært vikulega á ammóníum, þvagefni og kalkammóníumnítrati og iðulega er miðað við dollara fyrir hvert tonn. Meðfylgjandi línurit sýnir vikulegar verðbreytingar frá 5. janúar 2006 til 24. janúar 2008.
Áfram
Metframleiðsla á mjólk og mest selt af alifuglakjöti árið 2007
Bráðabirgðatölur um framleiðslu og sölu búvara fyrir árið 2007 liggja nú fyrir. Framleiðsla mjólkur varð 124.849.835 lítrar sem er það mesta sem skráð hefur verið á einu ári hingað til. Sala miðað við próteininnihald nam 114.881.128 lítrum (1,48% aukning frá árinu 2007) og á fitugrunni 108.696.042 (4,65% aukning frá fyrra ári). Þegar litið er á breytingar í einstökum vöruflokkum milli ára þá dróst sala á drykkjarmjólk saman um 0,55% (í lítrum) og skyri um 11,69% (í kg). Sala á viðbiti jókst hins vegar um 6,73 (í kg) og ostum um 5,66% (í kg).
Áfram
YARA ríður á vaðið með 36-80% hækkun á áburði
Sláturfélag Suðurlands, sem flytur inn áburð undir merkjum Yara, birti nú seinni partinn verð á áburði. Með því að bera saman verð á milli júní 2007 og dagsins í dag sést að áburðarverð hefur hækkað á bilinu 36-80%. Minnsta hækkunin, 36%, er á N27 í stórsekkjum en tonnið af honum kostaði 31.517 í júní í fyrra en listaverð er nú 42.778. Áburður NPK 24-4-7 hækkar um 73% í stórsekkjum, 24-6 hækkar um 43%, NP 26-6 hækkar um 78%, NPK 21-4-10 hækkar um 66% og NPK 17-5-13 hækkar um 74%.
Áfram
Verðbreytingar á áburði í Danmörku
Samkvæmt upplýsingum frá tölfræðideild dönsku bændasamtakanna hefur áburðarverð hækkað nokkuð síðastliðna 12 mánuði. Verðbreytingar á helstu áburðarefnum og algengum áburðarblöndum nema á bilinu 2-33%. Þetta eru ekki jafn miklar hækkanir og íslenskir áburðarsalar hafa gefið í skyn hér á landi en eins og kunnugt er hafa þeir ekki enn birt verð á áburði til bænda í ár. Einkum er um kennt slæmri stöðu á heimsmarkaði en mikil eftirspurn og skortur á ýmsum áburðarefnum hefur haft áhrif til verðhækkunar.
Áfram
Verðmæti áburðarefna og hækkandi áburðarverð
Síðustu vikur og mánuði hafa borist fréttir af hækkandi áburðarverði og eru orsakirnar margvíslegar en aðallega aukin matvælaframleiðsla sem birtist í aukinni eftirspurn eftir korn- og sáðvöru ýmisskonar. Ein af orsökunum er til dæmis sú ákvörðun Evrópusambandsins að hætta að styrkja bændur þar til að hafa land í tröð eða órækt.
Áfram
Blaðamannsstarf í boði hjá BÍ
Útgáfu- og kynningarsvið Bændasamtaka Íslands óskar eftir að ráða blaðamann í fullt starf til afleysinga í eitt ár með möguleika á framhaldsráðningu. Í boði eru fjölbreytt verkefni í skemmtilegu starfsumhverfi.
Áfram