Ræktunarstarf í nautgriparækt

Ræktunarstarf í nautgriparækt byggir að mestum hluta á skýrsluhaldi bænda.  Upplýsingum um gripi er safnað í gegnum skýrsluhaldið og þær notaðar til að leggja mat á kynbótagildi gripana út frá skilgreindum kynbótamarkmiðum.   Kynbótamarkmið í nautgriparækt í dag byggja að stærstum hluta á afurðagetu einstaklings þar sem próteinframleiðsla og mjólkurmagn er vegið saman.  Aðrir þættir sem vega inn í kynbótaeinkunn eru júgur og spenabygging, frumutala (júgurheilbrigði), ending, frjósemi, mjaltir og skapgerð.  Lesa má nánar um vægi einstakra eiginleika hér.

Skýrsluhaldið er í höndum einstakra bænda sem færa ætterni gripa og skrásetja afurðir.  Héraðsráðunautar annast eftirlit með skýrsluhaldi heima í héraði og veita aðstoð varðandi færslu á mjólkurskýrslum og skráningu í MARK.  Mánaðarlegt uppgjör mjólkurskýrslna fer fram hjá Bændasamtökum Íslands og eru niðurstöður skýrsluhaldsins birtar á vefnum eftir að uppgjöri hvers mánaðar er lokið.  Sjá má niðurstöður skýrsluhaldsins hér.