Greiðslumark mjólkur

Greiðslumark lögbýla er tiltekið magn mjólkur, mælt í lítrum, sem áveðið er fyrir hvert lögbýli og veitir rétt til beinnar greiðslu úr ríkissjóði. Greiðslumark til framleiðslu mjólkur almanaksárið 2011 er  116 milljónir lítra. Beingreiðslur eru stuðningur við framleiðslu og markað fyrir mjólkurafurðir, greiddur úr ríkissjóði til greiðslumarkshafa og er heildarupphæð þeirra fyrir árið 4.940,6 milljónir króna. 

Greiðslumark sauðfjár

Heildagreiðslumark sauðfjár er 368.457 ærgildi. Greiðslumark lögbýla er tiltekinn fjöldi ærgilda, sem ákveðið er fyrir hvert lögbýli og veitir rétt til beingreiðslna. Heildarfjárhæð beingreiðslna á árið 2011 er 2.228 millj. kr. Árið 2011 er greiðsla á ærgildi kr. 6.047. 
Bændasamtök Íslands halda skrá yfir greiðslumark lögbýla (aðila að greiðslumarki) og handhafa réttar til beingreiðslna. Öll aðilaskipti greiðslumarks og handhafaskipti beingreiðslna þarf því að tilkynna til Bændasamtaka Íslands

Aðilaskipti að greiðslumarki

Um aðilaskipti að greiðslumarki gildir nú reglugerð  913/2010  um greiðslumark mjólkur á lögbýlum og beingreiðslur til bænda árið 2011 ásamt reglugerð 190/2011 um markaðsfyrirkomulag
og  reglugerð um greiðslumark sauðfjár á lögbýlum og beingreiðslur 2008-2013 nr. 11/2008 

Aðilaskipti að greiðslumarki mjólkur

Nú hefur tekið tekið gildi markaðsfyrirkomulag við aðilaskipti að greiðslumarki mjólkur.  Matvælastofnun  annast markað fyrir greiðslumark mjólkur skv. reglugerð 190/2011.

Öll aðilaskipti að greiðslumarki mjólkur falla undirákvæði þessarar reglugerðar og eru önnur aðilaskipti að greiðslumarki mjólkur á milli lögbýla óheimil hvort sem um er að ræða sölu eða gjafir. Undir reglugerð þessa fellur þar með talið flutningur á greiðslumarki  milli lögbýla í eigu sömu eigenda.

Markaður fyrir greiðslumark mjólkur verður haldinn tvisvar á ári; þann 1. apríl og þann 1. nóvember.

Aðilaskipti að greiðslumarki í sauðfé

Skv. reglugerð um greiðslumark sauðfjár á lögbýlum og beingreiðslur er heimilt að flytja greiðslumark í sauðfjárframleiðslu milli lögbýla.

Tilkynningu um flutning skal senda Bændasamtökum Íslands fyrir 15. janúar á því ári sem flutningur tekur gildi.

Tilkynning um aðilaskipti greiðslumarks sauðfjár