Loftræsting í gripahúsum. Gott loft í húsunum eykur vellíðan gripanna, endingu húsa og innréttinga og auðveldar allt hreinlæti.

Sýna þarf aðgát við tæmingu mykjukjallara. Þegar verið er að hræra í mykjukjallara undir gripahúsi og keyra út fljótandi mykju er nauðsynlegt að sýna mikla aðgát. Við hreyfingu mykjunnar losnar mykjugas úr læðingi og getur borist upp í gripahúsið um rimla- og ristargólf eða óþéttar lúgur í flórum.