Seint á 8. áratug síðustu aldar kom fram hugtakið PERMACULTURE, samsett úr ensku orðunum PERMANENT (varanlegur, sjálfbær ) og AGRICULTURE ( landbúnaður, akuryrkja ). Hér á landi hefur þessu hugmyndafræði verið nefnd vistmenning eða vistrækt og felur í raun í sér alhliða viðleitni til sjálfbærrar þróunar. Þar kemur matvælaframleiðsla mjög við sögu og því felur vistmenning í sér lífræna ræktun og búskap. Vistmenning á við bæði í þéttbýli og dreifbýli, á borgarheimilum og sveitaheimilum. 

Vistmenning
Dregið af "permanent agriculture" og "permanent culture" (Bill Mollison og David Holmgren, 1978).
Græn hugmyndafræði sem fjallar um sjálfbæra þróun samfélagsins, bæði í dreifbýli og þéttbýli.

Áhersla er m.a. lögð á eftirfarandi þætti:
- lífræna ræktun, þar með trjárækt
- skynsamlega hönnun híbýla og nýtingar auðlinda
- endurnýtingu, t.d. á sorpi og skólpi
- vistvænar samgöngur
- orkusparandi tækni
- aðgerðir gegn mengun
- virðingu fyrir umhverfisvernd og hefðum
- virka þátttöku sem flestra

Sólheimar í Grímsnesi starfa á grundvelli vistmenningar, er viðurkennt vistþorp síðan 1997 og aðili að "GLOBAL ECO-VILLAGE NETWORK." ( Sjá Tenglar )