Lífræn ræktun er undirstaða lífrænnar búfjárræktar. Fiskeldi getur talist til hennar. (sjá Vottun og eftirlit ). Gerðar eru miklar kröfur til velferðar búfjár, t. d. ekki heimilt að hafa hænsni í búrum og gyltur bundnar, fyrirbyggjandi aðgerðum og smáskammtalyfjum er beitt gegn sjúkdómum í stað hefðbundinna lyfja, notkun hormóna er óheimil, stuðlað er að varðveislu lífræðilegrar fjölbreytni, þar með sérstæðra kynja og eiginleika, og m. a. er lögð áhersla á góða meðferð beitilanda svo og hreinleika og rekjanleika afurða. Allt búfé er einstaklingsmerkt og skýrslufært og allt fóður, þar með beit, þarf að vera lífrænt vottað. Hér á landi er, auk heyja að lífrænum túnum, heimilt að nota engjahey, og fjörubeit er viðurkennd. Íslenska búféð, þ.e. nautgripir, hross, sauðfé og geitfé (landnámskynin ) henta mjög vel því að í lífrænni búfjárrækt er lögð áhersla á nýtingu beitar og gróffóðurs.Þá er lögð áhersla á útivist þegar veður leyfir.