12. september 2012

Viðbrögð vegna stöðu mála eftir óveður á Norðurlandi

Í dag, miðvikudaginn 12. september, var haldinn fundur í atvinnuvega- og nýsköpunarráðuneyti með fulltrúum Bændasamtaka Íslands, Landssamtaka sauðfjárbænda og Bjargráðasjóðs til að ræða afleiðingar óveðursins á Norðurlandi og meta ástandið.

Á þessu stigi er ekki tímabært að meta tjónið í heild eða fjalla um sérstakar ráðstafanir vegna þess. Ljóst er hinsvegar að tjón bænda á búfé er verulegt og kemur það til kasta Bjargráðasjóðs, þegar umfang þess verður ljósara.

Nú er mikilvægasta verkefnið að koma búfé sem grafist hefur í fönn til hjálpar. Bændur, björgunarsveitir og annað aðstoðarfólk hafa unnið sleitulaust í gær og dag við að bjarga því sem bjargað verður. Almannavarnir hafa lýst yfir neyðarstigi á svæðinu og í gildi er allsherjarútkall björgunarsveita. Unnið verður áfram við björgun næstu daga á meðan aðstæður leyfa og björgunarstarf telst raunhæft.

Atvinnuvega- og nýsköpunarráðherra mun kynna ríkisstjórninni samantekt um ástandi á fundi hennar á föstudag.