20. ágúst 2012

Styrkir til jarðræktar árið 2012

Eins og fram hefur komið í öllum bændablöðum í sumar rennur umsóknarfrestur um styrki til jarðræktar út 10. september. Hægt er að sækja um rafrænt á Bændatorginu fram að þeim tíma.

Einnig er hægt að senda viðkomandi ráðunautaþjónustu eyðublað sem finna má hér. Sérstaklega skal vakin athygli á því að til að til að standast úttekt þarf umsækjandi að hafa lagt fram túnkort af ræktarlandinu.

Þeir sem ekki eiga túnkort ættu því að óska eftir að ráðunautur teikni fyrir þá túnkort hið fyrsta. Þeir sem eiga túnkort annars staðar en í Jörð.is skulu sannreyna að afrit af kortinu sé til hjá viðkomandi ráðunautaþjónustu. Rétt er að benda á að hægt er að sækja um styrk fyrir tilteknar spildur í Jörð.is í rafrænu umsókninni í Bændatorginu. Nánari reglur um framlög til jarðræktar má lesa hér.