21. febrúar 2020

RML tekur við verkefnum tölvudeildar

Frá og með áramótum færðist starfsemi tölvudeildar Bændasamtaka Íslands yfir til Ráðgjafarmiðstöðvar landbúnaðarins. Starfsmenn tölvudeildar verða því starfsmenn RML og hægt verður að ná sambandi við þá í gegnum síma RML, 516-5000. Nánari upplýsingar má nálgast hér.

Með breytingunni færist upplýsingatækni og ráðgjöf undir sama hatt, en svipaður háttur er hafður á hjá mörgum ráðgjafarþjónustum í nágrannalöndum. Útreikningar á kynbótamati, þróun forrita og forritun verður öll á sama stað.

Karvel L. Karvelsson, framkvæmdastjóri RML, segir að flutningur verkefna tölvudeildar BÍ muni styrkja starfsemi RML og byggja upp aukna þekkingu starfsfólks. „Tækniþróun í landbúnaði er gríðarlega hröð og mikilvægt að þekking sé sem breiðust innan raða RML á þeim möguleikum sem upplýsingatæknin getur fært íslenskum bændum og orðið landbúnaði til framdráttar. Við vonumst til að þjónusta við bændur og aðra notendur verði enn markvissari en áður.“

Allar upplýsingar um forrit og skýrsluhald er að finna á vef RML hér

Þjónustu RML er hægt að nálgast hér:
Sími: 516 5000 Netfang: rml@rml.is
Síminn hjá RML er opinn kl. 09.00–12.00 og 13.00–16.00 virka daga.
Netspjall RML er opið kl. 10.00-12.00 og 13.00-15.00 virka daga.