17. febrúar 2020

Grasrótarfundir í S-Þingeyjarsýslu

Mynd / Jón Eiríksson Mynd / Jón Eiríksson

Bændasamtökin í samstarfi við Búnaðarsamband Suður-Þingeyinga boða til funda sem hér segir:

  • Ýdalir, miðvikudaginn 19. febrúar, kl. 15.00

  • Skjólbrekka, fimmtudaginn 20. febrúar, kl. 10.00

  • Stórutjarnarskóli, fimmtudaginn 20. febrúar, kl. 13.00

Guðrún S. Tryggvadóttir, formaður BÍ, mætir á fundina sem eru fyrst og fremst hugsaðir sem óformlegir spjallfundir. Tilgangurinn er að bændur ræði stöðu landbúnaðarins í bráð og lengd og varpi fram spurningum og vangaveltum til Guðrúnar. Hvaða tækifæri og áskoranir bíða okkar á næstu misserum? Hvað vilja bændur leggja áherslu á í aðdraganda Búnaðarþings? Uppstokkun félagskerfisins, kjaramál, umhverfismál og áherslur í hagsmunabaráttunni mun örugglega bera á góma. Af nógu er að taka.

/Bændasamtök Íslands og Búnaðarsamband Suður-Þingeyinga