20. ágúst 2018

Fyrsti fundur samninganefndar um sauðfjársamning

Fulltrúar bænda á leið á fyrsta fund. Frá vinstri: Sindri Sigurgeirsson, formaður BÍ, Unnsteinn Snorri Snorrason, framkvæmdastjóri LS, Sigurður Eyþórsson, framkv.stj. BÍ, Einar Ófeigur Björnsson, stjórnarmaður í BÍ og Oddný Steina Valsdóttir, formaður LS. Fulltrúar bænda á leið á fyrsta fund. Frá vinstri: Sindri Sigurgeirsson, formaður BÍ, Unnsteinn Snorri Snorrason, framkvæmdastjóri LS, Sigurður Eyþórsson, framkv.stj. BÍ, Einar Ófeigur Björnsson, stjórnarmaður í BÍ og Oddný Steina Valsdóttir, formaður LS.

Fyrsti fundur samninganefndar um endurskoðun sauðfjársamnings er haldinn mánudaginn 20. ágúst. Fulltrúi landbúnaðarráðherra í nefndinni verður Unnur Brá Konráðsdóttir, fyrrum þingkona og forseti Alþingis. Aðrir fulltrúar ríkisvaldsins eru þeir Þórhallur Arason, sem situr í nefndinni fyrir hönd fjármálaráðherra, og Arnar Freyr Einarssonar, sérfræðingur í sjávarútvegs- og landbúnaðaráðuneytinu.

Áður höfðu bændur tilnefnt sitt fólk í samninganefndina en frestur til þess rann út 1. ágúst. Fulltrúar þeirra eru Sindri Sigurgeirsson, formaður BÍ, Oddný Steina Valsdóttir, formaður Landssamtaka sauðfjárbænda og Einar Ófeigur Björnsson, stjórnarmaður í BÍ. Framkvæmdastjórar LS og BÍ, þeir Unnsteinn Snorri Snorrason og Sigurður Eyþórsson koma einnig að starfi samninganefndarinnar.