12. nóvember 2013

Bændur ræða um endurskoðun á félagskerfinu

Formannafundur aðildarfélaga BÍ stendur nú yfir í Bændahöllinni. Á fundinn mæta formenn og framkvæmdastjórar búgreinafélaga og búnaðarsambanda ásamt fulltrúum BÍ. Til umræðu eru þau mál sem eru efst á baugi og meðal annars er farið yfir úrvinnslu búnaðarþingsmála. Á dagskránni er að ræða um erfðabreytt matvæli og ræktun erfðabreyttra lífvera ásamt endurskoðun á félagskerfi bænda.

Meðfylgjandi myndir voru teknar við upphaf fundarins í morgun en hann stendur fram eftir degi.