Orlofsíbúð

Bændasamtökin eiga og reka íbúð í Kópavogi sem félögum í BÍ býðst að leigja til lengri eða skemmri tíma allt árið um kring til orlofsdvalar. 

Íbúðin er í fjölbýlishúsi í Þorrasölum 13-15 í Kópavogi og rúmar auðveldlega fjóra gesti. Í henni eru tvö svefnherbergi, rúmgóð stofa sem er sambyggð eldhúsi, bað- og þvottaherbergi og stórar svalir. Í Þorrasölum eru ný húsgögn og heimilistæki. Stutt er í alla þjónustu, m.a. sundlaug og fjölbreyttar verslanir.

Leigutími getur verið frá einum sólarhring og upp í viku (hugsanlega lengur við sérstakar aðstæður). Skiptidagar eru alla daga nema laugardaga og sunnudaga.

Sængur og sængurver eru í íbúðinni.

Nánari upplýsingar og húsreglur: pdf

Bókanir á Þorrasölum fara eingöngu í gegnum Orlofsvef BÍ.

Umsjónarmaður orlofsíbúðar er Halldóra Ólafsdóttir hjá Bændasamtökum Íslands. Sími 563-0300 og netfang: ho[hjá]bondi.is.